Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай радыёстанцыі “Беларускае Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня”, “Асоба. Дзяржава. Грамадства” ды “Навіны палітвязняў”.
Анонс выпуску:
“Хроніка пераследу”: Магілёўскага суддзю Магамеда Умарава пазбавілі волі на 14 гадоў. Старшыню КДБ па Гомельшчыне звольнілі за невыкананне абавязкаў.
"Падзея тыдня": Старшыня ПЦ "Вясна" Алесь Бяляцкі прызнаны Алесь Бяляцкі стаў “Абаронцам грамадзянскіх правоў года”.
“Асоба. Дзяржава. Грамадства”: праваабаронца Наста Лойка пабывала з адукацыйным візітам у ЗША, дзе на свае вочы пабачыла амерыканскую сістэму правасуддзя.
"Навіны палітвязняў": Палітвязню Арцёму Пракапенку дазволілі спатканне з сям'ёй. Маці палітвязьня Ігара Аліневіч 4 красавіка атрымала ад сына ліст, дзе ён піша, што ўжо прызвычаіўся да рэгулярных пасадак у штрафны ізалятар.
У музычных паўзах – песні расійскіх рокераў, якія падтрымалі ўкраінскі народ і Еўрамайдан - Юрый Шаўчук, Барыс Грэбеньшчыкоў, Земфіра, Вячаслаў Бутусаў, Андрэй Макарэвіч.
