На агітацыйнай улётцы кандыдата няма выходных дадзеных (фотафакт)
Інфармацыйны стэнд у Бараўлянах.
На інфармацыйным стэндзе, размешчаным каля Дома культуры на тэрыторыі пасёлка Лясны Мінскага раёна, вывешаныя агітацыйныя матэрыялы некалькіх кандыдатаў у дэпутаты мясцовых саветаў.
На перадвыбарчай лістоўцы кандыдата ў дэпутаты Бараўлянскага сельскага савета Максіма Урванцава, які балатуецца па 6-й Лясной выбарчай акрузе №12, адсутнічаюць выходныя дадзеныя. Хаця Максім Андрээвіч Урванцаў, які працуе намеснікам старшыні Бараўлянскага сельскага выканаўчага камітэта выдатна ведае заканадаўства, якое сам жа і парушае.
Між тым адсутнасць такіх звестак на агітацыйнай прадуцыі з’яўляецца парушэннем выбарчага заканадаўства і можа сведчыць аб тым, што выраблялася гэтая прадукцыя не за сродкі з выбарчага фонду дадзенага кандыдата.
“Праваабаронцы за свабодныя выбары”
