Мазыр: кандыдату ў абласны савет вынеслі папярэджанне

Кандыдату ў дэпутаты Гомельскага аблсавета па Баброўскай выбарчай акрузе №44 у Мазыры Уладзіміру Рэпко раённая выбарчая камісія вынесла папярэджанне. Як паведамляе назіральнік Уладзімір Целяпун, кандыдата абвінавацілі ў тым, што ён распаўсюджваў свае агітацыйныя матэрыялы без стварэння выбарчага фонда кандыдата і парушыў артыкулы 45 і 47 Выбарчага кодэкса Беларусі. Уладзмір Рэпко балатуецца ад Аб'яднанай грамадзянскай партыі.

«Трэба адзначыць, што на сённяшні момант у мясцовай газеце надрукавана толькі адна абвестка пра стварэнне выбарчага фонда кандыдата. Можна меркаваць, што ні адзін праўладны кандыдат не абцяжарваў сябе турботамі па стварэнню сваіх выбарчых фондаў, - лічыць назіральнік. - Кандыдатам-дырэктарам гэтая праца не патрэбная. Усё зробяць самі выбарчыя камісіі. Ужо надрукаваная, размешчаная на інфармацыйных стэндах і раскіданая па паштовых скрынях інфармацыя па кандыдатах у раённы і абласны Саветы”.

“Праваабаронцы за свабодныя выбары”