Мікалай Лазавік у справе выбараў цытуе Жан Жака Русо

У адказе, які атрымаў магілёўскі муляр Аляксей Паўлоўскі, сакратар Цэнтрвыбаркама Мікалай Лазавік скарыстаўся афарызмам французскага пісьменніка і філосафа і адзначыў, што абраза – гэта довады тых, хто не мае рацыі.

М.Лазавік таксама адзначыў, што выказванне Аляксея Паўлоўскага аб тым, што выдаткоўванне Цэнтральнай камісіяй сродкаў старшыням камісій на фальсіфікацыю выбараў гаворыць, перш за ўсё, пра ўзровень аргументацыі яго аўтараў.

Нагадаем, што 63 магілёўцы падпісаліся пад зваротам у Цэнтральную выбарчую камісію з просьбай выдаткаваць сродкі на агітацыю дэмакратычнаму кандыдату ў дэпутаты Аляксею Паўлоўскаму. У прыватнасці, падпісаўшыяся прасілі выдаткаваць гэтыя сродкі з тых рэсурсаў, якія перадаюцца старшыням камісій для фальсіфікацыі выбараў.

“Праваабаронцы за свабодныя выбары”