viasna on patreon

Ліквідаваная беларуская праваабарончая арганізацыя “Прававая дапамога насельніцтву”.

2003 2003-09-08T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

8 верасьня каля 16 гадзінаў судзьдзя Мінскага гарадкога суда Натальля Жупікава абвясьціла рашэньне аб ліквідацыі праваабарончай арганізацыі – Грамадзкага аб’яднаньня “Прававая дапамога насельніцтву”.

Судовы разгляд справы аб ліквідацыі “Прававой дапамогі насельніцтву” павінен быў распачацца 5 верасьня, але паколькі ў кабінеце судзьдзі Н. Жупікавай, дзе мусіў быў адбывацца працэс, не хапіла месца для ўсіх прысутных, а адказчыкі настойвалі на прадастаўленьні магчымасцьці прысутнічаць на адкрытым судовым працэсе ўсіх жадаючых, судзьдзя пернесла разгляд на 8 верасьня.

8 верасьня іншае памяшканьне для правядзеньня працэсу не было прадстаўленае. У кабінет судзьдзі Н. Жупікавай супрацоўнікі міліцыі, якія ахоўвалі будынак суда, дазволілі прайсьці толькі прадстаўнікам Міністэрства юстыцыі, АБСЕ і запрасілі адказчыкаў. Астатнія прысутныя, сярод якіх – прадстаўнікі беларускіх праваабарончых і іншых грамадзкіх арганізацыяў, замежных амбасадаў, жонкі зьніклых журналіста і бізнесмена Сьвятлана Завадзкая і Ірына Красоўская, журналісты і простыя грамадзяне – былі вымушаныя чакаць на лесьвіцы ці на вуліцы каля будынку суда. Адказчыкі, у тым ліку і старшыня “Прававой дапамогі насельніцтву” Алег Волчак адмовіліся браць удзел у такім “адкрытым працэсе” і засталіся разам з прысутнымі, якія прыйшлі, каб выказаць салідарнасьць супрацоўнікам ліквідуемай праваабарончай арганізацыі.

У хуткім часе стала вядома, што судзьдзя, нягледзячы на адсутнасьць падчас судовага паседжаньня адказчыкаў, распачала працэс, і ў выніку пасьля абеду абвясьціла пра сваё рашэньне аб задавальненьні зыску ўпраўленьня юстыцыі Мінгарвыканкаму аб ліквідацыі Грамадзкага аб’яднаньня “Прававая дапамога насельніцтву”.

Апошнія навіны

Партнёрства

Сяброўства