Моладзевы актывіст з Магілёву Яўген Сувораў таксама пакараны 7 суткамі адміністратыўнага арышту

Як паведаміў ПЦ "Вясна" праваабаронца Барыс Бухель 2 красавіка ў Магілёве адбыўся суд над яшчэ адным моладзевым актывістам, прэвентыўна затрыманым 24 сакавіка напярэдадні Дня Волі. Ён, як і Антон Усьцімчук, быў абвінавачаны супрацоўнікамі праваахоўных органаў у дробным хуліганстве, і двое сутак правёў у ізалятары часовага ўтрыманьня. 26 сакавіка судовае паседжаньне не адбылося.

Сёньня судзьдзя Ленінскага райсуду Магілёва Рубіс Тацьцяна Мікалаеўна вынесла пакараньне моладзеваму актывісту - 7 сутак адміністратыўнага арышту, аднак прысуд набудзе моц праз 5 дзён, калі за гэты час судовае рашэньне ня будзе абскаржданае згодна з дзеючым заканадаўствам.