На Мікалая Уласевіча склалі пратакол за непадпарадкаваньне супрацоўнікам міліцыі
Грамадска-палітычны актывіст Мікалай Уласевіч
Сёньня, 2 кастрычніка, на кватэру да астравецкага актывіста Мікалая Уласевіча прыйшлі два супрацоўнікі міліцыі і склалі адміністрацыйны пратакол нібыта за непадпарадкаваньне супрацоўнікам міліцыі (арт. 23.4 КаАП РБ), якое мела месца 21 верасьня.
Нагадаем, што 21 верасьня Мікалай Уласевіч быў затрыманы ў Астраўцы за распаўсюд агітацыйных перадвыбарчых улётак. Яго адвезлі ў аддзяленне міліцыі і правялі асабісты дагляд яго і ягонага аўтамабіля. Пазней ператрус быў праведзены і ў вёсцы, дзе ён пражывае.
Супрацоўнікі міліцыі сканфіскавалі інфармацыйныя матэрыялы. Аднак, як паведамляе сам Улавевіч, міліцыянты відаць не схацелі складаць пратакол аб незаконным распаўсюдзе друкаванай прадукцыі, таму і прыдумалі гэтае непадпарадкаваньне, нягледзячы на тое, што прайшло 10 сутак ад часу затрымання.
