Аб праявах дыскрымінацыі з боку супрацоўнікаў міліцыі (відэа)
«Усе людзі нараджаюцца свабоднымі і роўнымі ў сваёй годнасці і правах". Гэта першая фраза Усеагульнай дэкларацыі правоў чалавека, якая заклала аснову міжнароднага права ў галіне правоў чалавека. Аднак пытанні дыскрымінацыі застаюцца актуальнымі ў нашым паўсядзённым жыцці.
Ва ўсіх рэгіёнах і краінах свету інваліды часта аказваюцца за межамі грамадства, пазбаўляючыся некаторых базавых жыццёвых выгодаў. Яны складаюць самую шматлікую меншасць у свеце, якая знаходзіцца ў найбольш неспрыяльным становішчы.
Ужо на працягу некалькіх гадоў у Беларусі не прымаецца законапраект аб далучэнні краіны да Канвенцыі аб правах інвалідаў. Прызнаць праблему дыскрымінацыі інвалідаў ўлады Беларусі яшчэ не гатовыя.
Гамяльчук Сяргей, нягледзячы на тое, што не мае абедзьвюх ног, не атрымлівае пенсію па інваліднасці. Каб за нешта жыць, даводзіцца жабраваць, прасіць міласціню. Часцяком яго можна бачыць на цэнтральным гарадскім рынку. Хоць інвалід заўжды цвярозы, ахайна апрануты і не чапляецца да мінакоў, міліцыянты ўвесь час спрабуюць яго выпхнуць з рынку, абражаюць і зневажаюць.
