Вязень івацэвіцкай калоніі зацікавіўся выданнямі “Вясны”

Вязень папраўчай калоніі №5 горада Івацэвічы Ігар Міхнавец звярнуўся да праваабаронцаў з просьбай даслаць яму нядаўна прэзентаваныя выданні “За права на выбар” і “Наша Вясна”. Праваабарончы цэнтр “Вясна” плануе ў бліжэйшы час паспрабаваць перадаць выданні зняволенаму.

У лісце да намесніка старшыні “Вясны” Валянціна Стэфановіча вязень Ігар Міхнавец напісаў наступнае:

“Прачытаў у “Народнай волі” пра прэзентацыю двух новых выданняў “За права на выбар” і “Наша Вясна”. Калі Вы маеце магчымасць выслаць гэтыя кнігі сюды ў калонію, адпраўце, калі ласка, простым ці заказным лістом.

Дзякуй за ўсё, што Вы робіце!”