22 лютага пачнецца суд над расіянамі за ўдзел у Плошчы

Судовы працэс над расійскімі грамадзянамі Іванам Гапонавым і Арцёмам Брэусам пачнецца 22 лютага ў Маскоўскім судзе Мінска. 

Пачатак першага паседжання – у 10 гадзінаў.

Адрас Маскоўскага суда: Мінск, праспект газеты Праўда, 27.  

Грамадзяне РФ Арцём Брэус і Іван Гапонаў былі затрыманы 19 снежня пры разгоне акцыі пратэсту на Плошчы і напачатку асуджаны на 10 сутак арышту. Пасля адбыцця адміністратыўных тэрмінаў 29 снежня былі зноў затрыманыя ў рамках крымінальнай справы і змешчаны пад варту (зараз знаходзяцца ў СІЗА па вул. Валадарскага). Абодва абвінавачваюцца па ч. 2 арт. 293 КК – “удзел у масавых беспарадках”.