Баранавічы: Мёртвыя ў спісах, а жывых няма

19 снежня на выбарчым участку № 42 (інтэрнат будаўнічага трэста № 25, вул. Піянерская, 31) выбаршчыца Стахейка В.П. стала абурацца дзеяннямі сяброў участковай выбарчай камісіі. Вельмі хвалюючыся, яна паведаміла, што яе бацька Стахейка М.П. памёр 4 гады таму назад. Нягледзячы на гэта, УВК пастаянна дасылае на яго імя паведамленне аб парламенцкіх і мясцовых выбарах. Не сталі выключэннем і цяперашнія прэзідэнцкія выбары.

Такое ж паведамленне сістэматычна накіроўвае УВК выбарчага ўчастка № 2 на імя Хітрыка Пятра (вул. Славянская, 27), які памёр 3 гады таму назад. А вот Пятровіч Аляксей, які вучыцца ў Польшчы, але прапісаны па гэтаму адрасу (вул. Славянская, 27), у спісах выбаршчыкаў на ўчастку № 2 не значыцца.

“Праваабаронцы за свабодныя выбары”