Паведамленне беларускі зарэгістравана ў Камітэт па ліквідацыі дыскрымінацыі ў адносінах да жанчын ААН
Атрымана паведамленне з упраўлення Вярхоўнага камісара па правах чалавека аб рэгістрацыі паведамлення берасцейскай грамадскай актывісткі Інгі Абрамавай ў Камітэце па ліквідацыі дыскрымінацыі жанчын. Паведамленне зарэгістравана пад № 23 ад 2009 года.
Гэта першае паведамленне у Беларусі, дасланае ў Камітэт па ліквідацыі дыскрымінацыі ў адносінах да жанчын.
Як сказаў берасцейскі юрыст-праваабаронца Раман Кісляк, у савім паведамленні Інга Абрамава абскардзіла дыскрыманацыю яе як жанчыны ў ізалятары часовага ўтрымання Ленінскага РАУС горада Берасця. Умовы ў ізалятары былі вельмі жорсткімі: холад, брудна, спёртае паветра, тусклае электрычнае святло. Выключна мужчынскі персанал дазваляў сабе назіраць ў дзвярное вочка і па відэакамеры, пад час яе карыстання туалетам.
Паводле інфармацыі праваабаронцы, дыскрымінацыя жанчын па прызнаку пола характэрна для ўсіх ізалятараў часовага ўтрымання УУС РБ. Толькі ў адным з ІЧС у Менску ёсць жаночы персанал.
Нагадаю, што Інга Абрамава была затрымана супрацоўнікамі міліцыі пад час развешвання з Юрасём Бакурам сініх стужачак на вадасцёкавых трубах і дрэвах перад Еўрапейскім маршам у 2007 годзе. Была абвінавачана ў дробным хуліганстве і пакарана 5 суткамі арышту, якія адбывала ў ІЧС.
