Орша: Кандыдат ад улады распаўсюджвае агітацыйную прадукцыю без выходных дадзеных

У Аршанскай-Дняпроўскай выбарчай акрузе № 27 назіральнікамі адзначаны факт парушэння вядзення агітацыйнай кампаніі з боку кандыдата, дэпутата дзеючага складу Палаты прадстаўнікоў Уладзіміра Адашкевіча. Давераныя асобы апошняга адкрыта распаўсюджваюць агітацыйныя ўлёткі з праграмай кандыдата без выходных дадзеных. Такія друкаваныя матэрыялы выяўленыя ў г. Орша, г. Барань, Аршанскім і Дубровенскім раёнах. Нягледзячы на шматлікія заявы аб парушэнні выбарчага заканадаўства ў акруговую і Цэнтральную выбарчыя камісіі, пракуратуру горада Оршы і Аршанскага раёна, дамагчыся рэагавання гэтых структур не атрымалася. 

"Праваабаронцы за свабодныя выбары"