Глыбокае: Ілжэ-агітатары для карцінкі

У Глыбокім супраць кандыдата ад Партыі БНФ Яраслава Берніковіча мясцовыя “адпаведныя органы”, не спадзеючыся, відаць, толькі на адміністратыўны рэсурс і датэрміновае галасаванне,  зладзілі правакацыю.

Днём 26 верасня па Глыбокім хадзілі групай мужчыны відавочна на моцным падпітку, валацужнага выгляду і раздавалі мінакам улёткі з праграмай Берніковіча. Па словах самога Яраслава, правакацыя магла быць звязана з тым, што якраз у гэты час у Глыбокае прыехала з мэтай асвятлення выбараў здымачная група Швецкага тэлебачання. Не выключае Берніковіч і варыянту, што “карцінку” з ілжэ-агітатарамі рабілі для здымачнай групы беларускага тэлебачання, каб “паказаць народу сапраўдны твар апазіцыянера”.

“Праваабаронцы за свабодныя выбары”