Лоеў: Крыўдзяць “сваіх”?

У дзяржаўнай газеце Лоеускага райвыканкама “Серп і Молат” за 20 верасня 2008 года надрукаваны зварот да выбаршчыкаў кандыдата ў дэпутаты, які балатуецца по Хойніцкай выбарчай акрузе № 47 Дашкевіча Г.В.

Улады так “рупіліся” змясціць гэткі “зварот да народу” ў газеце як мага хутчэй, што запамятавалі надрукаваць прозвішча, імя і імя па бацьку кандыдата у дэпутаты. Ці не скандальны выпадак? Цікава, ці звернецца праўладны кандыдат у дэпутаты ў Лоеўскі суд са скаргай на газетчыкаў аб спагнанні маральнага ўрону за дыскрэдытацыю перед выбаршчыкамі.

“Правабаронцы за свабодныя выбары”