Арыштаваны Ігар Корсак зьбіраецца абвесьціць галадоўку

Сёньня заканчваецца 3 сутак з моманту затрыманьня Ігара Корсака. Паводле закону, сьледчыя маюць права ўтрымліваць затрыманых без прад’яўленьня абвінавачаньня 72 гадзіны. У выпадку, калі Ігара Корсака не выпусьцяць, ён абяцае распачаць галадоўку.

Нагадаем, што ў межах сьледства па крымінальнай справе аб выбуху ў Менску затрыманыя 5 чалавек, якія належалі да незарэгістраванай арганізацыі «Белы легіён»: Ігар Корсак, Міраслаў Лазоўскі, Віктар Ляшчынскі і Сяржук Чыслаў, а таксама Тацяна Пікун.

Па папярэдняй інфармацыі, яшчэ адзін з 5 затрыманых былых актывістаў незарэгістраванай арганізацыі “Белы легіён” таксама паведаміў пра пачатак галадоўкі пратэсту.