Заява праваабарончай супольнасці Беларусі аб прызнанні сямі палітычных зняволеных

Заява праваабарончай супольнасці Беларусі

26 ліпеня 2024 г.

Мы, прадстаўнікі праваабарончай супольнасці Беларусі, зноў адзначаем, што пазбаўленне волі і крымінальная адказнасць за розную пратэстную актыўнасць выкарыстоўваецца ўладамі для падаўлення грамадскай і палітычнай актыўнасці, іншадумства і антываенных выступаў.

Крымінальнае заканадаўства ў 2021 годзе было істотна больш жорсткім і дапоўнена новымі складамі злачынстваў, якія выкарыстоўваюцца ўладамі выключна ў мэтах палітычных рэпрэсій.

МУС і КДБ у пазасудовым парадку адвольна прызнаюць экстрэмісцкімі групы грамадзян, аб'яднаных грамадскімі або палітычнымі інтарэсамі, якія крытыкуюць дзеянні ўладаў і патрабуюць зменаў у дзяржаве і праводзімай ім палітыцы, таксама экстрэмісцкімі фарміраваннямі прызнаныя некаторыя СМІ. Гэта ў сваю чаргу адкрывае шлях да адвольнага прыцягнення да крымінальнай адказнасці і пазбаўлення волі іх удзельнікаў і рэспандэнтаў у якасці непрапарцыйнай меры абмежавання права на асацыяцыю і свабоды выказвання меркаванняў. Так:

Ігар Жывалун асуджаны паводле арт. 361-4 Крымінальнага кодэкса па абвінавачванні ў садзейнічанне экстрэмісцкай дзейнасці да пазбаўлення волі ў папраўчай калоніі;

Наталля Левай асуджаная паводле ч. 2 арт. 361-1 ч.2 арт. 361-3 і арт. 361-2 КК за ахвяраванні пратэстным ініцыятывам і беларускаму падраздзяленню, якое ваюе на баку Украіны.

Таксама ўзятыя пад варту:

Юрый Лагадзюк паводле арт. 361-4 КК па абвінавачванні ў садзейнічанні экстрэмісцкай дзейнасці;

Таццяна Францкевіч паводле арт. 361-4 КК па абвінавачванні ў садзейнічанні экстрэмісцкай дзейнасці;

Наталля Лабацэвіч паводле арт. 361-4 КК па абвінавачванні ў садзейнічанні экстрэмісцкай дзейнасці;

Алеся Дзернакоўская паводле арт. 361-2 КК за фінансавую дапамогу палітвязням;

Аляксандр Сырыца паводле арт. 361-1 і 368 КК па абвінавачванні ў стварэнні экстрэмісцкага фарміравання або ўдзеле ў яго дзейнасці і абразе а.Лукашэнкі.

Мы прызнаем названых людзей палітвязнямі ў адпаведнасці з п. 3.1 (а) Кіраўніцтва па вызначэнні паняцця "палітычны зняволены", і патрабуем ад уладаў Беларусі:

• неадкладна вызваліць палітвязняў Ігара Жывалуна, Наталлю Левай, Таццяну Францкевіч, Наталлю Лабацэвіч, Юрыя Лагадзюка, Алесю Дзернакоўскую, Аляксандра Сырыцу;
  неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр "Вясна";

Прававая ініцыятыва;

Lawtrend;

Офіс па правах людзей з інваліднасцю;

Human Constanta;

Беларускі Хельсінкскі Камітэт;

Беларускі дом правоў чалавека імя Барыса Звозскава;

Беларускі ПЭН.