Супраць Аксаны Новікавай узбуджаная яшчэ адна крымінальная справа за паклёп на прэзідэнта. Сёньня ў другой палове дня адбудзецца першы допыт

6 красавіка Мінская транспартная пракуратура ўзбудзіла супраць Аксаны Новікавай крымінальную справу па арт. 367 ч.2 КК Рэспублікі Беларусь – паклёп на прэзідэнта. Справа ўзбуджаная за тое, што 5 красавіка ў 12 гадзінаў, знаходячыся ў тунэлі №2 станцыі Менск-Пасажырскі, Аксана Новікава “публічна дэманстравала ўлёткі, вырабленыя памнажальных спосабам, раздаючы іх мінакам. Названыя ўлёткі ўтрымліваюць паклёпніцкія, заведама ілжывыя зьвесткі, якія ганьбяць Прэзідэнта Рэспублікі Беларусь, спалучаныя з абвінавачаньнем у асабліва цяжкіх злачынствах”.
Справа ўзбуджаная транспартным пракурорам саветнікам юстыцыі А.М. Лашыным, і сёньня ў другой палове дня адбудзецца першы допыт падазраваемай.