За намер паехаць ваяваць ва Украіну супраць расійскіх войскаў судзяць жыхара Докшыц

У Віцебскім абласным судзе 4 лістапада пачаўся разгляд крымінальнай справы жыхара Докшыц, 53-гадовага Сяргея Грыбовіча, якога абвінавачваюць па шэрагу пратэcных і дыфамацыйнах артыкулаў.

Справу ў закрытым рэжыме разглядае суддзя Яўген Буруноў.

Першапачаткова паведамлялася, што палітзняволены Сяргей Грыбовіч - жыхар Докшыцаў, быў затрыманы на пачатку сакавіка 2022 года паводле двух артыкулах Крымінальнага кодэксу: арт. 130 (Распальванне расавай, нацыянальнай, рэлігійнай або іншай сацыяльнай варожасці) і арт. 361-3 КК (Удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўка або падрыхтоўка асоб да такога ўдзелу).

У «пакаяльным відэа» мужчына казаў, што запоўніў анкету ў Telegram, каб паехаць ваяваць ва Украіну супраць расійскіх войскаў.

У судзе Грыбовічу выставілі дадатковыя абвінавачанні:

• арт. 369 – абраза прадстаўніка ўлады;
• ч. 1 арт. 130 – распальванне расавай, нацыянальнай, рэлігійнай альбо іншай сацыяльнай варожасці;
• ч. 1 арт. 367 – паклёп у дачыненні да прэзідэнта Рэспублікі Беларусь;
• ч. 1 арт. 368 – абраза прэзідэнта Рэспублікі Беларусь;
• ч. 1 арт. 361-3 – стварэнне экстрэмісцкага фарміравання альбо ўдзел у ім;
• ч. 2 арт. 368 – абраза прэзідэнта Рэспублікі Беларусь;
• ч.2 арт. 367 – паклёп у дачыненні да прэзідэнта Рэспублікі Беларусь.

Да суда мужчыну ўтрымлівалі ў СІЗА № 2 Віцебска.

Падтрымайце палітвязня паштоўкаў, альбо лістом: СІЗА-2, Віцебск вул. Гагарына 2, 210026, Сяргей Міхайлавіч Грыбовіч.