Алесю Бяляцкаму — 60 гадоў! Фота

Алесь Бяляцкі — праваабаронца і старшыня "Вясны", літаратуразнаўца і пісьменнік, палітычны зняволены.

Ён пяць разоў быў вылучаны на Нобелеўскую прэмію міру, і неаднаразова ўзнагароджаны рознымі прэстыжнымі прэміямі за сваю праваабарончую дзейнасць.

Напісаў сем кніг, пяць з іх - за кратамі: 

• "Літаратура і нацыя" (1991)
• "Прабежкі па беразе Жэнеўскага возера" (2006)
• "Асвечаныя беларушчынай" (2013)
• "Іртутнае срэбра жыцця" (2014)
• "Халоднае крыло радзімы" (2014)
• "Бой з сабой" (2016)
• "Турэмныя сшыткі" (2018)

Таксама выйшаў альбом "Лісты салідарнасці", пра які Алесь Бяляцкі адзначаў:

"Лісты салідарнасіці" пісаліся у бабруйскай калоніі ў 2012-2014 гг. у адказ на магутную хвалю лістоўнай падтрымкі, якую я атрымліваў з розных куткоў сьвету штодзень. Урэшце яны аформіліся ў кнігу. Дзякуй усім хто пісаў!"

Сёння Алесю Бяляцкаму спаўняецца 60 гадоў! І як дзесяць гадоў таму, свою юбілей ён зноў сустракае за кратамі.
Нагадаем, Алеся затрымалі 14 ліпеня 2021 года і абвінавацілі ў нясплаце падаткаў у буйным памеры. У 2011 годзе яго затрымалі роўна на такіх жа падставах і асудзілі да чатырох з паловай гадоў калоніі, тры з якіх ён прабыў у зняволенні і быў вызвалены па амністыі.

Сёння мы віншуем нашага старшыню, калегу, паплечніка з Днём народзінаў і заклікаем далучацца ўсіх ахвочых.

Гісторыя жыцця Алеся Бяляцкага ў фотаздымках