Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс на 13 верасня:
Крымінальны пераслед: Узгадваем прысуд дваім прадстаўнікам праваабарончага цэнтра "Вясна" — Марфе Рабковай (15 гадоў калоніі ва ўмовах агульнага рэжыму) і Андрэю Чапюку (6 гадоў калоніі ўзмоцненага рэжыму).
"Гэта самы жорсткі прысуд, які калі-кольвек выносіўся праваабаронцам у Беларусі", — адзначае юрыст ПЦ "Вясна" Павел Сапелка.
Затрыманні дыпламаткі і праваабаронцы ў судзе, непачутае апошняе слова і 10 абвінавачаных палітвязняў…
Асоба: Былыя палітвязні Алег Граблеўскі і Іна Шырокая ўспамінаюць, якімі ім у СІЗА запомніліся Марфа Рабкова і Андрэй Чапюк.
"Кожны дзень займаўся спортам. Ён вельмі добра фізічна развіты";
"Яна з усімі добра камунікуе — незалежна ад артыкулаў".
Каментар: Як палітзняволены старшыня партыі БНФ Рыгор Кастусёў успрыняў свой прысуд, як сустрэўся са сваякамі і ці можна чагосьці чакаць ад амністыі? Распавядае зяць палітыка Зміцер Антончык.
У музычных паўзах — кампазіцыі ў выкананні BY_CRY.
Аўдыязапіс выпуску:
