Адкрыты набор на адукацыйную праграму для псіхолагаў "Тэрапія траўмы". Дэдлайн — праз тыдзень!

2022 2022-08-03T11:27:25+0300 2022-08-03T11:27:25+0300 be https://spring96.org/files/images/sources/terapija_trauma.jpeg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Установа "Дактары за праўду і справядлівасць" і Служба экстранай псіхалагічнай дапамогі (Вільня) арганізуюць у жніўні-лістападзе адукацыйную праграму для беларускіх псіхолагаў "Тэрапія траўмы". Навучанне пройдзе ў анлайн- і афлайн-фармаце (у Вільні). Мэтай праграмы з'яўляецца навучанне 15 псіхолагаў навыкам працы з траўмай.

Што ўяўляе сабою праграма?

Праграма складаецца з двух этапаў:

  1. навучальны курс па працы з траўмай;
  2. ментарская падтрымка ў працы з кліентам з траўмай.

Навучальны курс складаецца з пяці модуляў: тры модулі ў фармаце анлайн і два модулі ў фармаце афлайн, якія пройдуць у Вільні. Навучанне будзе адбывацца ў фармаце двухдзённых сустрэч.

Модуль 1: уводзіны і прэзентацыя праграмы, вызначэнне траўмы ў адпаведнасці з крытэрамі DSM-5, інструменты дыягностыкі/ацэнкі, тыпы траўмы, траўма і мозг, нейрабіялогія траўмы, агульны агляд падыходаў для лячэння траўмы.

Модуль 2: тэрапеўтычныя інтэрвенцыі ў працы з траўмай, дэбрыфінг і PFA (Psychological First Aid), кагнітыўна-працэсуальная тэрапія, пралангаваная экспазіцыйная тэрапія, EMDR і Brainspotting.

Модуль 3: ваенная траўма, ваенная сэксуальная траўма, ахвяры тэрору, віна выжылага, посттраўматычная віна і сорам, ахвяры палітычных рэпрэсій, сase Study (жывыя зносіны з тымі, хто перажыў траўматычны досвед), страта і гараванне.

Модуль 4: сase Studies (абмеркаванне выпадкаў з практыкі з мадэляваннем тэрапеўтычных інтэрвенцый і канцэптуалізацыі), майстар-класы з запрошанымі прафесіяналамі.

Модуль 5: цялесная тэрапія; працуючы з траўмай, як паклапаціцца пра сябе?

Як паўдзельнічаць у праграме?

Для ўдзелу ў адукацыйнай праграме трэба запоўніць анкету до 10 жніўня 2022 года. Пра вынікі адбору будзе паведамлена да 15 жніўня лістом. Тэрмін правядзення жнівень — лістапад 2022. Удзельнікам з Беларусі будзе аказаная візавая падтрымка.

З усімі пытаннямі можна пісаць на pallpom@gmail.com

Апошнія навіны

Партнёрства

Сяброўства