Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс праграмы на 31 траўня:
Падзея: Сайт Саюза палякаў Беларусі прызнаны экстрэмісцкім, а ў Беластоку прайшла чарговая акцыя падтрымкі палітзняволеных Андрэя Пачобута і Анжалікі Борыс.
“Гэта палякі — але гэта беларускія палякі. Гэта частка нашага грамадства, гэта нашы грамадзяне”.
Крымінальны пераслед: Асудзілі за абразу Лукашэнкі праз каментар у сацсетках — але прайшоў год, як ён быў напісаны. Асудзілі за перфомансы з “пахаваннем Лукашэнкі”… Чаму так адбываецца?
Каментар эксперта: Як (не) стаць экстрэмістам у Беларусі? Разбіраемся разам з юрыстам ПЦ “Вясна” Паўлам Сапелкам.
Каментар: Праваабаронца “Вясны” Дар’я Рублеўская наведала Украіну ў межах гуманітарнай місіі — яна прывозіла гуманітарны груз для ўкраінскай арганізацыі "Восток SOS"? Як жыве Ужгарад падчас вайны? Як ставяцца ўкраінскія памежнікі да беларускіх пашпартоў і як жартуюць наконт Лукашэнкі? Як украінскім праваабаронцам бачыцца будучыня іх краіны?
*да гуманітарнага збору для Восток SOS можна далучыцца ТУТ.
У музычных паўзах — кампазіцыі ў выкананні Iva Sativa, а таксама панк-гурта Deviation, адным з заснавальнікаў якога з’яўляецца Андрэй Пачобут.
*Аўдыязапіс выпуску:
