Праваабарончая праграма "Вясна" на Беларускім Радыё Рацыя

2022 2022-04-26T15:49:38+0300 2022-04-27T18:24:35+0300 be https://spring96.org/files/images/sources/spring-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека. 

Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.

(Анонсы папярэдніх выпускаў глядзіце тут).

Анонс праграмы на 26 красавіка:

Падзея: 26 красавіка — гадавіна катастрофы на Чарнобыльскай АЭС і гадавіна ўтварэння праваабарончага цэнтра “Вясна”. І гэтае супадзенне не выпадковае. У рубрыцы даведаемся пра дзве даты і звязаныя з імі кантэксты — ядзернае пытанне, вайна, рэпрэсіі падчас Чарнобыльскага шляху і ўтварэнне "Вясны".

Крымінальны пераслед: Двух палітзняволеных праваабаронцаў “Вясны” — Марфу Рабкову і Андрэя Чапюка — пачалі судзіць. І судовы працэс адразу зрабілі закрытым. Абмяркоўваем сітуацыю з юрыстам “Вясны” Паўлам Сапелкам.

Каментар: Журналіст і праваабаронца Сяржук Сыс распавядае пра “Вясну”, як туды трапіў, знаёмства з Алесем Бяляцкім і самыя экстрэмальныя ўспаміны:

“Яны ахоўвалі Адміністрацыю прэзідэнта — і пабеглі ў наш бок. Алесь стаяў на месцы і сказаў мне: “Сыс, уцякай!” За мной кінуліся тры чалавекі, а за вуглом дагналі. Па дарозе я дастаў карту памяці і схаваў яе ў шкарпэтку. У аддзяленні міліцыі ўзялі фатаапарат і пытаюць: “А дзе карта памяці?” — “Ня ведаю” — “Так, не дуры, а то зараз будзем ліхтарыкам у адно месца свяціць”… Потым я зразумеў, што варта мець запасную карту памяці”.

Апытанка: «“Вясна” для нас — гэта як глыток жыцця». Беларусы Варшавы дзеляцца сваім стаўленнем да праваабарончага цэнтра “Вясна” з нагоды яго дня народзінаў.

У музычных паўзах — песні пра вясну (Віктар Шалкевіч, Sciana, S°unduk, Rahis, AKUTE).

*Аўдыёзапіс выпуску:

https://spring96.org/wp-content/uploads/2014/07/2022-04-26_Eva_VIASNA_AN.mp3

Апошнія навіны

Партнёрства

Сяброўства