"Справа студэнтаў". У абвінавачванні змяшаліся санкцыі ЕC і ЗША, Ціханоўская, парушэнне працы ВНУ і транспарту

2021 2021-05-15T19:50:27+0300 2021-05-15T19:50:28+0300 be https://spring96.org/files/images/sources/sdudenty.png Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Ілюстрацыйны калаж

Ілюстрацыйны калаж

У Мінску працягваецца працэс па "справе студэнтаў". 12 фігурантаў судзяць за арганізацыю пратэстаў, якія пасля выбараў праходзілі ва ўніверсітэтах, піша TUT.BY. Пракуроры паказваюць, што акцыі праводзіліся з мэтай перагляду вынікаў выбараў, каб іх не прызналі краіны Еўразвяза і ЗША і ўвялі санкцыі для ціску на афіцыйную ўладу. Абвінавачаныя, па словах пракурораў, выкарыстоўвалі "канспірацыю" — у чатах у іх былі псеўданімы.

Фармальна адкрыты працэс па "справе студэнтаў" праходзіць з абмежаваннямі: у залу паседжання не пусцілі незалежную прэсу, дыпламатаў і частку сваякоў і сяброў абвінавачаных.

Сёння, 15 траўня, на працэсе стала дрэнна Яне Арабейка, у суд прыехала хуткая дапамога. Аднак меру стрымання дзяўчыне па заяўленым хадайніцтве, як і астатнім фігурантам, не змянілі — ужо паўгода ўсіх іх утрымліваюць у СІЗА.

Дзяржабвінавачанне зачытваюць два пракурора, чутнасць у зале такая, што прысутныя раз-пораз просяць гаварыць гучней, наяўныя ў Доме правасуддзя мікрафоны на гэтым працэсе вырашана не выкарыстоўваць.

Абвінавачаныя, па версіі следства, распрацавалі план па прыцягненні ў пратэстную актыўнасць студэнтаў і супрацоўнікаў ВНУ. Некаторыя з іх былі ўдзельнікамі, а некаторыя — адміністратарамі чатаў у мэсэнджарах, дзе абмяркоўвалася месца і час правядзення акцый. Пракуроры зачыталі і пра самі акцыі, якія восенню прайшлі ў вядучых універсітэтах Мінска.

Такія дзеянні, адзначана ў абвінавачванні, прывялі да парушэння "нармальнай працы ўстаноў адукацыі". Удзельнікі пратэсту, заявілі пракуроры, аказвалі відавочнае непадпарадкаванне законным патрабаванням прадстаўнікам улады, гэта значыць супрацоўнікам міліцыі, якія знаходзіліся ў форменным абмундзіраванні і пры выкананні службовых абавязкаў, а таксама адміністрацыі ВНУ ў асобе наступных кіраўнікоў:

  • першаму прарэктару БНТУ Георгію Вяршыне;
  • намесніку начальніку службы бяспекі БНТУ Вароніну;
  • прарэктару БДУІР па вучэбнай рабоце Віктару Рыбаку;
  • прарэктару БДУІР па выхаваўчай рабоце Дзмітрыю Кузняцову;
  • дэкану факультэта інфармацыйных тэхналогій і кіравання БДУІР Леаніду Шыліну;
  • дэкану факультэта міжкультурных камунікацый МДЛУ Дзмітрыю Тупіку;
  • прарэктару па выхаваўчай рабоце БДМУ Паўлу Маркаўцану;
  • прарэктару па вучэбнай рабоце МДЛУ Святланы Шылавай.

Магчыма, іх, як і супрацоўнікаў міліцыі, якія дзяжурылі ў універсітэтах, дапытаюць у судзе.

Паводле версіі следства, падчас пратэстаў была "парушаная нармальная праца ВНУ": удзельнікі блакавалі ўваход, калідоры, памяшканні будынкаў, перашкаджалі адукацыйнаму працэсу.

Акрамя таго, на вуліцы Ленінградскай (побач знаходзяцца навучальныя карпусы БДУ) тралейбус і аўтобус вымушана здзейснілі спыненне — колькі яно доўжылася і якія страты гэта прынесла прадпрыемству, у абвінавачванні не гучыць. Не агучваецца і тое, якія менавіта заняткі былі сарваныя, на які час і які ўрон у сувязі з гэтым быў нанесены ВНУ.

Як зачыталі ў судзе дзяржаўныя абвінаваўцы, пратэсты ва ўніверсітэтах праходзілі з мэтай перагляду вынікаў выбараў прэзідэнта, каб ініцыяваць такім чынам непрызнанне выбараў з боку ЕС і ЗША, а таксама ўвядзенне з іх боку сацыяльна-эканамічных і палітычных санкцый як спосабу ціску на афіцыйную ўладу. Акрамя таго, мэтай было "прымусіць уладу пайсці на перамовы" і "зацвердзіць Святлану Ціханоўскую ў якасці суб'екта палітычнага жыцця". Указваюць дзяржабвінаваўцы і Каардынацыйны савет, які быў "незаконна створаны" і выступаў з "загадзя ілжывымі сцвярджэннямі аб нелегітымнасці дзеючай улады".

Дзяржабвінаваўцы ўказваюць, што фігуранты крымінальнай справы праводзілі анлайн-канферэнцыі, на якіх абмяркоўвалі правядзенне масавых мерапрыемствах ва ўніверсітэтах і побач з імі, а таксама выкарыстоўвалі "канспірацыю" — падпісваліся псеўданімамі ў чатах. У залежнасці ад месца вучобы або працы абвінавачаных называюць каардынатарамі пратэстаў у ВНУ, дзе яны праходзілі.

Таксама абвінавачаныя, па словах пракурораў, праводзілі "асабістыя гутаркі апазіцыйнага характару" сярод студэнтаў і выкладчыкаў, рабілі пасты, фота і відэа з анонсамі акцый пратэстаў.

Следчыя сабралі больш за 30 тамоў з матэрыяламі па "справе студэнтаў". Так што судовае разбіральніцтва можа працягнуцца некалькі тыдняў.

Суд па "справе студэнтаў": у залю пусцілі толькі родных, некаторых з групы падтрымкі - затрымалі

Раніцай 14 траўня каля Дому правасуддзя сабралася шмат людзей, якія прыйшлі на суд па так званай "справе студэнтаў". Аднак нават у будынак суда пускалі толькі блізкіх сваякоў і дзяржаўныя СМІ. Нават бабуль і дзядуляў абвінавачаных не пусцілі ў залю суда нібыта праз недахоп месцаў.

Апошнія навіны

Партнёрства

Сяброўства