Перакладчыцу Калацкую падазраюць у арганізацыі і падрыхтоўцы дзеянняў, якія груба парушаюць грамадскі парадак
Вольга Калацкая. Фота з сацыяльных сетак.
Вядомую перакладчыцу Вольгу Калацкую падазраюць у злачынстве паводле 342 артыкулу Крымінальнага кодэксу — «Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх», паведамляе БАЖ.
Пра гэта яе адвакату сёння паведамілі ў Фрунзенскім РУУС. Паводле якой часткі гэтага артыкулу і ў якім яна статусе - пакуль невядома.
Яе затрымалі 15 студзеня. А 16 студзеня павезлі на следчыя дзеяньні.
Вольга Калацкая жыве з 89-гадовай маці, якой патрэбны догляд.
Вольга Калацкая пераклала на беларускую мову дзясяткі фільмаў, сэрыялаў і кніг, у тым ліку творы Вірджыніі Вулф, Тэнэсі Ўільямса, Уільяма Голдынга, Пола Остэра, Тоні Парсанза, Артура Голдэна, фільмы «Глядыятар», «Шрэк», «Сямейка Смітаў» ды іншыя.
