За падраную балаклаву грамадзянка Швейцарыі атрымала 2 гады і 6 месяцаў калоніі Аўдыё

2020 2020-12-07T15:27:39+0300 2020-12-08T00:43:54+0300 be https://spring96.org/files/images/sources/hershe_2020-12-07.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Суддзя Суда Савецкага раёна горада Мінска Сяргей Шаціла 7 снежня агучыў прысуд па крымінальнай справе грамадзянкі Швейцарыі Наталля Хершэ2 гады і 6 месяцаў папраўчай калоніі ва ўмовах агульнага рэжыму. Менавіта столькі запытваў раней дзяржабвінаваўца. Таксама спагнаць з Наталлі на карысць пацярпелага супрацоўніка АМАП Сяргея Кончыка матэрыяльную кампенсацыю маральнай шкоды ў памеры 1000 рублёў, дзяржаўную пошліну ў 81 рубель, працэсуальныя выдаткі ў 11 капеек. Рэчы Наталлі, канфіскаваныя пры затрыманні (мабільны тэлефон, гадзіннік Apple Watch) пакінуць пад арыштам, а яе бел-чырвона-белы сцяг знішчыць. Сапсаваную балаклаву (раней у судзе агучваўся яе кошт —1 рубель) — адрадзіць.

hershe_2020-12-07.jpg
Наталья Хершэ на судзе 7 снежня

Нагадаем, Хершэ судзілі паводле часткі 2 артыкула 363 (супраціў супрацоўніку органаў унутраных спраў) — яе затрымалі 19 верасня на Жаночым маршы і абвінавачвалі ў нанясенні цялесных пашкоджанняў супрацоўніку АМАПа Сяргею Кончыку (драпіна каля правага вока) і падраную балаклаву ("невялікае пашкоджанне маскі ў раёне прарэзы вачэй"). Аб тым, як праходзіў судовы працэс, чытайце тут:

Пачаўся суд над грамадзянкай Швейцарыі за падраную балаклаву

У судзе Савецкага раёна горада Мінска пачаўся працэс па крымінальнай справе ў дачыненні да Наталлі Хершэ па частцы 2 артыкула 363 (Супраціў супрацоўніку органаў унутраных спраў). 51-гадовую жанчыну абвінавачваюць у тым, што пры аказанні супраціву пры затрыманні на жаночым маршы 19 верасня яна сарвала маску амапаўцу і падрапала яго. Пацярпелы — 22-гадовы Сяргей Кончык, супрацоўнік АМАП ГУУС Мінгарвыканкама. Суддзя — Сяргей Шаціла.

7 снежня ў 11.00 у рамках судовага працэсу Наталля Хершэ сказала сваё апошняе слова:

"Я жыву ў еўрапейскай дэмакратычнай краіне. Дэмакратычныя прынцыпы свабоды з'яўляюцца неабходнымі прынцыпамі кіравання на ўсіх узроўнях кіравання улады. І правы свабоды слова і мірных сходаў дакладна вызначаны Канстытуцыяй і гарантуюцца дзяржавай. Дзе паліцыянты не хаваюць сваіх твараў перад мірнымі дэманстрантамі. Менавіта такою я бачу сваю Радзіму. Беларусь будучыні. Свабодную Беларусь”

Viasna96 · Реакция слушателей на приговор суда Натальи Херше

Апошнія навіны

Партнёрства

Сяброўства