Палітвязню Іллі Салею змянілі меру стрымання. Ён на волі

Палітзняволены адвакат Ілля Салей, затрыманы па крымінальнай справе аб закліках да дзеянняў, накіраваных на прычыненне шкоды нацыянальнай бяспецы Рэспублікі Беларусь, знаходзіцца дома. Пра гэта TUT.BY паведамілі яго суседзі, інфармацыю таксама пацвердзілі інфармаваныя крыніцы.

Ілля Салей. Фота: nashaniva.by

Жыхары дома кажуць, што Ілля Салей прыехаў каля 19.00 пятніцы ў суправаджэнні бацькоў. Ужо пасля 23.00 у кватэру да Салея прыходзілі супрацоўнікі міліцыі. З'яўляліся яны там і сёння днём. Суседзі мяркуюць, што такім чынам сілавікі кантралююць, ці дома знаходзіцца Ілля.

Атрымаць афіцыйны каментар па гэтым пытанні TUT.BY не атрымалася. У Следчым камітэце паведамілі, што "ніякай дадатковай інфармацыі для СМІ па гэтай крымінальнай справе сёння не будзе".

Іллю Салея затрымалі 9 верасня па крымінальнай справе, узбуджанай па ч. 3 арт. 361 КК (заклікі да дзеянняў, накіраваных на шкоду знешняй бяспекі Рэспублікі Беларусь, яе суверэнітэту, тэрытарыяльнай недатыкальнасці, нацыянальнай бяспекі і абараназдольнасці). 12 верасня стала вядома, што следства абрала меру стрымання ў выглядзе ўтрымання пад вартай на 2 месяцы.