Праваабарончы цэнтр «ВЯСНА»

Бабруйскія актывісты АГП падалі заяўку на правядзенне пікета ў гарвыканкам на 15 траўня. Асноўную ўвагу яны плануюць акцэнтаваць на патрабаванні да ўладаў правесці празрыстыя выбары. На аднаго з заяўнікаў пікета, Валерыя Мікітка, ужо спрабавалі ціснуць з дапамогай ідэолага па месцы працы.

1 траўня ў Мінску з ініцыятывы былога кандыдата ў прэзідэнты, палітвязня Дзьмітрыя Уса адбыўся сход пад адкрытым небам з мэтай стварэння ініцыятыўнай групы па падрыхтоўцы законапраекту аб унясеньні зменаў ў Выбарчы кодэкс Рэспублікі Беларусь. Да 20 траўня ў Цэнтравыбаркам будуць перададзеныя дакументы аб яе рэгістрацыі.

У якасці пачатку кампаніі “За сумленныя выбары без Лукашэнкі!” актывісты Аб’яднанай грамадзянскай партыі падалі две заяўкі на пікеты ў мясцовы гарвыканкам. Сярод месцаў для правядзення пікетаў пазначаны Савецкая плошча і пляцоўка каля Дыягнастычнага цэнтра.

З гэтай ініцыятывай выступае абласны савет кампаніі “За справядлівыя выбары”, які быў створаны напрыканцы сакавіка з удзелам прадстаўнікоў 11 дэмакратычных грамадскіх аб'яднанняў і палітычных партый рэгіёна.

Брэсцкая дзяржаўная газета “Заря” у адной са сваіх апошніх публікацый пад красамоўным загалоўкам ”Миссия предсказуема” задаецца пытаннем: ці варта запрашаць замежных назіральнікаў на выбары ў Беларусі?

“Праваабаронцы за свабодныя выбары” заяўляюць пра намер ладзіць назіранне за парламенцкімі выбарамі-2012. Каардынатары кампаніі Валянцін Стэфановіч і Алег Гулак, улічваючы папярэдні досвед назірання і практыку правядзення выбарчых кампаній у Беларусі, “падказваюць” уладам бяспройгрышныя крокі на шляху да свабодных і справядлівых выбараў.

У Брэсце адбылося паседжанне, мэтай якога было стварэнне ў рэгіёне аргакамітэту кампаніі “За справядлівыя выбары”, якая будзе адсочваць працэс падчас выбараў у Палату прадстаўнікоў, што павінны адбыцца сёлета.

Сябра партыі “Справядлівы свет” Віктар Цяпін з Баранавічаў звярнуўся да Генеральнага пракурора з просьбай даць прававую ацэнку выказванням А. Лукашэнкі адносна маніпуляцыяў з галасамі выбаршчыкаў.

Кіраўнік Магілёўскай абласной арганізацыі Беларускай партыі левых “Справядлівы свет” прафесар Валеры Беразіенка просіць даць прававую ацэнку выказванням Аляксандра Лукашэнкі з нагоды фальсіфікацыі ім выбараў, а таксама просіць правесці праверку дзейнасці Цэнтрвыбаркама і высветліць, ці парушалася ім выбарчае заканадаўства.