Салігорск: падлік галасоў у звыклай непразрыстай манеры (фота)

2015 2015-10-11T22:32:56+0300 2015-10-11T23:32:24+0300 be http://spring96.org/files/images/sources/salig-padlik-2015.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Фота Паўла Батуева з сацыяльных сетак

Фота Паўла Батуева з сацыяльных сетак

Салігорскія назіральнікі кампаній “Праваабаронцы за свабодныя выбары” і “Права выбару” канстатуюць адсутнасць пазітыўных зменаў у працэсе падліку галасоў выбарцаў на ўчастках.

Як і падчас выбарчых кампаній мінулых гадоў, назіральнікі не змаглі пабачыць змест бюлетэняў з-за вялікай адлегласці да месца падліку галасоў. Таксама бачыць працэс падліку бюлетэняў перашкаджалі спіны сяброў камісій.

Не змянілася і працэдура падліку. Кожны сябра камісіі складваў нейкую сваю невялікую частку бюлетэняў, якую потым перадаваў сакратару камісіі. Сакратар агульныя стосы бюлетэняў перадае старшыні камісіі, і яны ўдвох калькулююць канчатковыя лічбы. Гэта, бадай, самы доўгі працэс, які суправаджаецца разлікамі на калькулятары, алоўкавымі запісамі і шэптам, пачуць які назіральнікі ня маюць магчымасці. Назваць такі працэс падліку галасоў галосным і празрыстымі немагчыма. Бюлетэні асобна не агучваліся і ўсім сябрам камісіі і назіральнікам не дэманстраваліся.

У абсалютнай большасці выпадкаў падлік бюлетэняў з розных скрыняў ажыццяўляўся асобна, але толькі на палове ўчасткаў лічбы агучваліся асобна. Канчатковыя ж пратаколы дэманстраваліся назіральнікам толькі самастойнай фіксацыі лічбаў. Копіі пратаколаў старшыні камісій не завяраліся, і ў фае каля ўчасткаў для ўсеагульнага доступу не пакідаліся.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international