Магілёў: Улады не дазволілі гулянняў з нагоды 95-й гадавіны абвяшчэння БНР

2013 2013-03-19T10:35:59+0300 1970-01-01T03:00:00+0300 be http://spring96.org/files/images/sources/magileu.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Магілёў. Ратуша.

Магілёў. Ратуша.

Начальнік аддзела ідэалогіі Магілёўскага гарвыканкама Ала Галушка патлумачыла магілёўскім дэмакратам прычыны адмовы ў правядзенні масавых гулянняў у цэнтры горада. Аказваецца, што такія мерапрыемствы трэба ўключаць у гадавы план. Калі няма такога мерапрыемства ў плане, то ўлады нічым не могуць дапамагчы.

Старшыня каардынацыйнай Рады магілёўскай абласной кааліцыі дэмакратычных сілаў Юрый Новікаў кажа, што ігнараванне такога мерапрыемства ўладамі – праява дзікунства.

“Пра тых людзей, якія не ведаюць сваіх каранёў, кажуць, што “Іваны, якія не памятаюць радства”. Менавіта так можна ахарактарызаваць дзеянні магілёўскага гарвыканкаму. Горад прызнаны культурнай сталіцай СНД і Беларусі. Хаця бы адзін год узгадалі пра свае карані і ды на час зрабіліся культурнымі людзьмі”, - кажа Юрый Новікаў.

Лідар Магілёўскіх дэмакратаў паведаміў, што збіраецца рыхтаваць ліст у гарвыканкам, каб у наступным годзе святкаванне 96-й гадавіны абвяшчэння Беларускай Народнай Рэспублікі было ўнесена чыноўнікамі ў гадавы план мерапрыемстваў.

Нагадаем, што 10 сакавіка трое магілёўскіх дэмакратаў Юрый Новікаў, Зміцер Салаўёў і Сяргей Фамін падалі заяўку ў Магілёўскі гарвыканкам з просьбай дазволіць гулянні ў цэнтры горада з песнямі, танцамі і чытаннем вершаў. Дэмакраты таксама хацелі, каб улады далучыліся да святкавання гэтай даты і падтрымалі ініцыятыву грамадскасці.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international