Ціснуць за неўступленне ў БРСМ

2008 2008-12-08T14:49:36+0200 1970-01-01T03:00:00+0300 be

5 снежня навучэнец 10 класа сярэдняй школы №1 г. Докшыцы Павал Малюжанец быў выкліканы на гутарку да адміністрацыі школы ў асобе дырэктара Уладзімера Арцімёнка і намесніка дырэктара па выхаваўчай працы Святланы Вялічка. Падставай для гутаркі было прынцыповае нежаданне Паўла ўступаць у БРСМ, якое вучань матывуе нежаданнем быць у арганізацыі, сябры якой за савецкім часам грамілі цэрквы і спілоўвалі крыжы.

Кажа Павал Малюжанец: «Выклікалі пасярод урока, завялі ў кабінет дырэктара і пачалі ўдваіх мяне пераконваць і запалохваць праблемамі з навучаннем. Але ўдалося адстаяць сваю пазіцыю. Думаю, зараз будзе ціск з боку адміністрацыі школы. Радуе, што аднакласнікі амаль усе на маім баку – чакалі мяне пад дзвярыма кабінета дырэктара, пакуль ішла размова».

Таксама ў той жа дзень быў выкліканы да дырэктара настаўнік замежнай мовы Ўладзімер Мядзюха, які на адным з урокаў негатыўна выказаўся пра БРСМ. Сакратар Докшыцкага раённага камітэта БРСМ запэўніў, што БРСМ не мае дачынення да дзеянняў адміністрацыі школы і паабяцаў нагадаць кіраўніцтву школы аб недапушчальнасці дзеянняў падобнага кшталту.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international