Праваабарончы цэнтр «ВЯСНА»

Навіны за 20 сакавіка 2019

20.03.2019 Кіраўніцтва заводу «Омск Карбон Магілёў» цісне на грамадскіх актывістаў

Прэтэнзіі да актывістаў дзіўныя: супрацоўнічаюць толькі з недзяржаўнымі медыямі, і выкід чорнай сажы ідзе не з усяго прадпрыемства, а толькі з адной трубы.

20.03.2019 Пятрухін, Кабанаў, а цяпер Павук - улады ўзяліся за незалежных блогераў?

Праваабаронцы “Вясны” занепакоеныя сітуацыяй, якая склалася вакол блогера Андрэя Павука, якога затрымалі раніцай 20 сакавіка.

20.03.2019 На блогера Андрэя Павука распачатая крымінальная справа

Актывіста затрымалі за тое, што нібыта з яго хатняга кампутара было адпраўлена паведамленне аб мініраванні Акцябрскага райвыканкама. У 16.30 праваабаронцам стала вядома, што Андрэя Павука адпусцілі. Ён падазраваны.

20.03.2019 Абаронцу Курапатаў забралі ў РУУС Маскоўскага раёна

А 15 гадзіны Войніч паведаміў "Вясне", што ўжо адпушчаны. Яго выклікалі ў міліцыю ў якасці сведкі па крымінальнай справе Паліенка.

20.03.2019 Невядомыя спрабавалі ўвайсці ў facebook i telegram супрацоўнікаў "Нашай Нівы"

"Наша Ніва" паведаміла, што за апошні месяц яны зафіксавалі некалькі спробаў незаконных уваходаў у акаўнты журналістаў газеты.

20.03.2019 Яшчэ на адну крыміналку больш: затрыманы Зміцер Паліенка

У Мінску каля дзясятай гадзіны раніцы 20 сакавіка ў сваёй кватэры быў затрыманы актывіст і былы палітвязень Зміцер Паліенка. Яго падазраюць у здзяйсненні злачынства па артыкуле 339, ч.3 КК РБ (“Асабліва злоснае хуліганства”).

20.03.2019 Суд не прыцягнуў да адказнасці мясцовага жыхара за рэпост у Facebook

Рагачоўскі раённы суд 19 сакавіка адправіў на дапрацоўку ў мясцовы РАУС адміністрацыйную справу за распаўсюд экстрэмісцкіх матэрыялаў у дачыненні да жыхара райцэнтра Сяргея Алексейкава. Суддзя Валянціна Малюкова, якая разглядала справу, вынесла пастанову аб тым, што міліцыяй не вызначаныя тэрміны пачатку і заканчэння здзяйснення правапарушэння.