Праваабарончы цэнтр «ВЯСНА»

Навіны за 7 лістапада 2013

07.11.2013 Сяргей Верамеенка: Калі нас не зарэгіструюць як партыю, будзем рэгістраваццца як грамадскае аб’яднанне

10 лістапада, у нядзелю, адбудзецца сход грамадскага аб'яднання "Гарадзенская хрысціянская дэмакратыя". Плануецца выступ сустаршыні аргкамітэту па стварэнні партыі БХД Паўла Севярынца. Па словах сябра БХДСяргея Верамеенкі, таксама плануецца абраць кіраўнікоў абласной філіі БХД і легалізаваць дзейнасць партыі ў рэгіёне.

07.11.2013 Юрый Рубцоў ізноў затрыманы, на гэты раз у Гомелі

У Гомелі раніцай 7 лістапада супрацоўнікі міліцыі затрымалі Юрыя Рубцова. Пра гэта ў facebook паведаміў праваабаронца Леанід Судаленка. Прыкладна каля 9-30 Рубцоў выйшаў на галоўную плошчу у майцы "За Беларусь без кантрактаў”. Пасля гутаркі Юрый Рубцоў быў адпушчаны.

07.11.2013 Чарговае судовае паседжанне наконт будаўніцтва завода беленай цэлюлозы прайшло 6 лістапада

Трэцяе судовае паседжанне па экалагічнаму іску адносна будаўніцтва завода беленай цэлюлозы адбылося 6 лістапада ў Светлагорску. Як стала вядома сайту HoradS.by з прэс-рэліза, суду былі прадастаўлены матэрыялы пра тое, што ў Еўрапейскім Саюзе і Расіі адмаўляюцца ад выкарыстання дыяксіду хлору – небяспечнага рэчыва, якое збіраюцца выкарыстоўваць на заводзе ў Светлагорску.

07.11.2013 Скандал у судзе: узнагарода знайшла свайго героя

За невыкананьне парадку інфармаваньня грамадзян аб пераносе часу пэрсанальнага прыёму, старшыня суду Першамайскага раёну Віцебску Андрэй Андрушэнка прыцягнуты да матэрыяльнай адказнасьці.

07.11.2013 Алесь Бяляцкі адбыў за кратамі палову тэрміну зняволення

Палітзняволены кіраўнік праваабарончага цэнтра "Вясна"Алесь Бяляцкі адбыў за кратамі палову тэрміну зняволення. Пра гэтую сумную дату ён узгадаў у сваім апошнім лісце да жонкі Наталлі Пінчук.

07.11.2013 Бялыніцкая раёнка спадзяецца, што яе наклад вырасце дзякуючы новаму старшыні райвыканкама

Выконваючы абавязкі рэдактара бялыніцкай раённай газеты “Зара над Друцццю” Васіль Дзеравяшка выказаў спадзяванне, што наклад газеты значна вырасце дзякуючы “патэнцыялу асобы кіраўніка” Бялыніцкага раёна.