Праваабарончы цэнтр «ВЯСНА»

Навіны за 25 лістапада 2013

25.11.2013 Пікет забаранілі па адной прычыне, а ў судзе назвалі іншую

Зміцер Лупач, актывіст з Глыбокага, спрабаваў праз суд аспрэчыць забарону пікету салідарнасці з палітвязнямі. Раённыя ўлады забаранілі пікет, бо ў райцэнтры змяніліся месцы для правядзення масавых акцый. Так было напісана ў афіцыйным лісце з выканкаму. Але ў судзе раптам "усплыла" іншая прычына.

25.11.2013 Таццяна Рэвяка: У літоўскім Сойме адбудуцца слуханні па Беларусі

Напярэдадні віленскага саміту "Усходняга партнёрства" 27 лістапада ў літоўскім Сойме адбудуцца слуханні па Беларусі.

25.11.2013 Пінск: жыхары горада чакаюць ад уладаў больш рашучых дзеянняў у спыненні прапаганды нацызма

На працягу апошніх месяцаў жыхары Пінска рэгулярна бачаць, як на розных будынках і ў месцах адпачынку з’яўляецца свастыка і надпісы нацысцкага зместу. Спачатку такім чынам быў апаганены помнік ахвярам мясцовага гета, а пасля нацысцкі малюнак з’явіўся на дзвярах аднаго з адукацыйных габрэйскіх цэнтраў.

25.11.2013 Слуцкая актывістка будзе прасіць, каб яе пасадзілі

Супраць Зінаіды Цімошак, арганізатаркі прагляду фільма пра Слуцкі збройны чын, складзены адміністрацыйны пратакол за арганізацыю несанкцыянаванага мерапрыемства. Актывістка кажа, што будзе прасіць, каб суд даў ёй арышт замест штрафу. А сама зьбіраецца падаваць у суд на дзеяньні міліцыянтаў.

25.11.2013 Макей узначаліць беларускую дэлегацыю на саміце ў Вільні

Беларускую дэлегацыю на Віленскім саміце «Усходняга партнёрства» ў Вільні ўзначаліць міністр замежных спраў Уладзімір Макей, паведамляе прэс-служба МЗС.

25.11.2013 Грамадскія актывісты Баранавічаў павіншавалі палітвязняў з Днём герояў

Прадстаўнікі палітычных партый і недзяржаўных арганізацый павіншавалі беларускіх палітвязняў з Днём герояў. Мясцовыя актывісты даслалі каляровыя паштоўкі Мікалаю Статкевічу, Алесю Бяляцкаму, Мікалаю Аўтуховічу, Эдуарду Лобаву і астатнім палітычным зняволеным.

25.11.2013 Магілёўскі абласны суд цалкам на баку выканаўчай улады

Сёння Магілёўскі абласны суд разгледзеў дзьве скаргі, пададзеныя праваабаронцамі Барысам Бухелем і Аляксеем Колчыным: з нагоды вызначэння адзінага месца ў горадзе для правядзення масавых мерапрыемстваў і забароны пікета з мэтай патрабавання вызваліць праваабаронцу Алеся Бяляцкага і іншых палітвязняў.

25.11.2013 Парыж, Парыж..., але я вяртаюся дахаты

Працяг лістоў зняволенага праваабаронцы Алеся Бяляцкага, напісаных ім у бабруйскай калоніі. З блогу на “Беларуском партизане”. Першыя лісты-успаміны з гэтай серыі былі напісаныя ў верасні 2012 года, апошнія – у чэрвені 2013:

25.11.2013 Вязняў магілёўскай турмы зараз нельга падпісваць на газеты?

Старшыня бабруйскай суполкі БХД Таісія Кабанчук паведаміла, што яе знаёмая атрымала назад свой ліст з чэкам на падпіску, дасланы ў магілёўскую турму № 4. Таксама туды змясцілі цыдулку з наступным тэкстам: “Возврат. Подписка проводится за счет собственных средств на лицевом счету”.

25.11.2013 Алесь Бяляцкі: два гады палітычнаму прысуду

Два гады таму – 24 лістапада 2011 года судом Першамайскага р-на г. Мінска быў вынесены прысуд кіраўніку Праваабарончага цэнтра "Вясна", віцэ-прэзідэнту Міжнароднай федэрацыі за правы чалавека Алесю Бяляцкаму.

25.11.2013 Магілёўшчына: жыхары вёсак хочуць уплываць на перафарматаванне сельскіх саветаў

Жыхары Нядашаўскага сельскага Савета хочуць увайсці у склад іншага сельсавета. Пад гэтым патрабаваннем яны сабралі амаль 700 подпісаў. У працэнтах пад такім патрабаваннем падпісалася больш за 50% дарослых жыхароў Нядашаўскага сельсавета Магілёўскага раёна Магілёўскай вобласці.

25.11.2013 Жодзінскі суд вынес адмоўнае рашэнне па скарзе праваабаронцаў

22 лістапада на судовае паседжанне па скарзе жодзінскіх праваабаронцаў Алеся Лапіцкага і Сьвятланы Лапіцкай адносна забароны Жодзінскім выканкамам пікета салідарнасці з палітвязнямі Беларусі і старшынём Праваабарончага Цэнтру "Вяна" Алесем Бяляцкім, прадстаўніца зацікаўленага боку для працягу ў спрэчках не з’явілася.

25.11.2013 Міліцэйская апэрацыя замест фільма пра Слуцкі збройны чын

Вечарам 23 лістапада міліцыянты ўварваліся ў Дом культуры вёскі Казловічы, дзе планаваўся паказ фільма пра Слуцкі збройны чын. Кіраўнік міліцыянтаў Дзьмітры Шклярэўскі патлумачыў, што ў арганізатаркі імпрэзы Зінаіды Цімошак «няма санкцыі на сустрэчу».