viasna on patreon

Смяротны прысуд Віктару Сергелю ўступіў у законную сілу Дапоўнена

2020 2020-01-31T12:45:00+0300 2020-01-31T12:49:10+0300 be https://spring96.org/files/images/sources/sud_brest_rebenok_2019_luninec_4.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Cудовая калегія па крымінальных справах Вярхоўнага суда разгледзела 31 студзеня апеляцыйную скаргу Віктара Сергеля і Наталлі Колб на смяротны прысуд, вынесены Брэсцкім абласным судом 25 кастрычніка 2019 года.

48-гадовага мужчыну і 26-гадовую Наталлю Колб прызналі вінаватымі ў групавым забойстве заведама малалетняй з асаблівай жорсткасцю з хуліганскіх меркаванняў (ч.2 арт. 139 КК РБ). Санкцыя артыкула прадугледжвае ад 8 да 25 гадоў пазбаўлення волі, пажыццёвае зняволенне або смяротнае пакаранне.

Нагадаем, што апошнія два віды пакарання ў Беларусі да жанчын не ўжываюцца.

Разгляд апеляцыйнай скаргі прайшоў у закрытым рэжыме.

У суд прывезлі толькі Віктара Сергеля. Па дадзеных TUT.BY, на яго прысуд падалі апеляцыю адвакаты. А вось на прысуд Наталлі Колб пісалі скаргу і яе абаронцы, і сама жанчына.

На працэс прыйшоў пацярпелы па справе - бацька забітай дзяўчынкі і муж абвінавачванай Леанід. Яму цяжка даецца размову. На пытанне аб тым, які быў матыў ў абвінавачаных і што яны казалі ў апошнім слове, мужчына адказаў: "Не хачу гаварыць. Так, [следства высветліла гэта], але казаць пра гэта я не хачу ", - адказаў пацярпелы.

Журналістаў адразу ж папрасілі пакінуць залу. Рашэнне абвесцяць у 12.30.

Асуджаны Віктар Сергель ўвесь час да пачатку працэсу маўчаў і нават не падняў вачэй. У зале застаўся толькі адзін глядач: бацька забітай дзяўчынкі.

Дзяржабвінаваўцам па справе выступае прадстаўнік Генпракуратуры Аляксандр Мірончык.

Як паведаміла на сваёй старонцы ў Facebook прэсс-сакратарка Вярхоўнага суда Юлія Ляскова, прысуд Брэсцкага абласнога суда пакінуты без зменаў, а скаргі - без задавальнення. Прысуд уступіў у законную сілу.

За жорсткае забойства дзіцяці ў Лунінцы вынеслі прысуды маці і саўдзельніку

26-гадовую маці і яе 48-гадовага знаёмага прызналі вінаватымі ў групавым забойстве заведама малалетняй з асаблівай жорсткасцю з хуліганскіх меркаванняў (ч.2 арт. 139 КК РБ). Жанчыне прызначылі 25 гадоў пазбаўлення волі ў калоніі агульнага рэжыму, яе саўдзельнікаў - смяротнае пакаранне.

Апошнія навіны

Партнёрства

Сяброўства