Не спыняюцца судовыя працэсы за Дзень беларускай вайсковай славы Дапоўнена

2017 2017-10-03T15:37:55+0300 2017-10-04T08:21:20+0300 be https://spring96.org/files/images/sources/dzien-vaiskovai-slavy-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Дзень беларускай вайсковай славы ў Мінску 8 верасня 2017 года. Фота: #controlBY

Дзень беларускай вайсковай славы ў Мінску 8 верасня 2017 года. Фота: #controlBY

У судзе Маскоўскага раёна Мінска адбываецца разгляд адміністрацыйных спраў, распачатых на удзельнікаў акцыі пратэсту супраць беларуска-расійскіх ваенных вучэнняў «Захад-2017». Мітынг і шэсце былі прымеркаваныя да Дня беларускай вайсковай славы і прайшлі 8 верасня ў сталіцы.

Пакуль вядома, што штраф у 50 базавых велічынь за парушэнне арт.23.34 КаАП атрымаў Дзмітрый Кавалгін.  Сустаршыня руху салідарнасьці «Разам» Алена Талстая таксама пакараная штрафам у памеры 50 базавых. Суда сёння чакае і актывіст Павел Юхневіч.

Раней за ўдзел у акцыі да штрафаў і сутак ўжо асуджаныя некалькі актывістаў, у тым ліку Мікалай Статкевіч, Уладзімір Някляеў, Вячаслаў Сіўчык, Марына Адамовіч, Антон Жылко і інш.

Толькі 2 кастрычніка суд Цэнтральнага раёна Мінска разгледзеў адміністрацыйныя справы па ч. 3 арт. 23.34 КаАП ("удзел у несанкцыянаваным масавым мерапрыемстве паўторна на працягу года") у дачыненні да Паўла Севярынца (арышт 15 сутак), Аляксандра Абрамовіча (штраф ў 50 базавых велічынь), Андрэя Шарэнды (арышт 15 сутак), Наталлі Папковай (арышт 7 сутак). 

Апошнія навіны

Партнёрства

Сяброўства