Прадпрыемствам Салігоршчыны спусцілі разнарадку на кінастужку "Мы, братья..."
Намеснік старшыні Салігорскага райвыканкаму па ідэалагічнай працы Мікалай Маскевіч абавязаў прадпрыемствы раёна набыць квіткі на прагляд прапагандыскай кінастужкі “Мы, братья…” і забяспечыць яўку работнікаў у адпаведнасці з даведзенай разнарадкай.
Паводле галоўнага ідэолага раёна, працу па “арганізацыі паказу нацыянальнага фільму” праводзіць Міністэрства культуры. З улікам “грамадска-палітычнай важнасці” гэтага мерапрыемства Мікалай Маскевіч патрабуе ад кіраўнікоў прадпрыестваў і ўстановаў садзеяння праз абавязковае набыццё квіткоў і забеспяченне яўкі не меншай за даведзеную.
Усяго разнарадку атрымалі каля шасці дзясяткаў арганізацый, устаноў і прадпрыемстваў Салігорскага раёна. Найбольшую яўку, паводле дакумента, абавязаныя забяспечыць установы адукацыі.
