22 кастрычніка ў першай палове дня ў Вярхоўным судзе заслухалі тлумачэньні Мінстэрства юстыцыі па справе аб ліквідацыі Праваабарончага цэнтру “Вясна”

22 кастрычніка у 10.00 Вярхоўным судзе распачалася судовая справа па ліківідацыі Грамадскага аб’яднаньня Праваабарончы цэнтр “Вясна”, ініцыяваная Міністэрствам юстыцыі Рэспблікі Беларусь

У першай палове дня заслухалі тлумачэньні Міністэрства юстыцыі. З боку Міністэрства юстыцыі выступала Неаніла Фішкіна – галоўны сьпецыяліст Упраўленьня грамадскіх аб’яднаньняў. Н.Фішкіна назвала сьпіс прозьвішчаў, якія быццам бы былі падробленыя у дакументах, прадстаўленых на момант рэгістрацыі Рэспубліканскага грамадскага аб’яднаньня “Праваабарончы цэнтр”Вясна”. Пасьля Н.Фішкіна адказвала на пытаньні, якія ёй задавала суддзя Валянціна Кулік, прадстаўнік Праваабарончага цэнтру “Вясна” Алесь Бяляцкі, Валянцін Стэфановіч, Уладзімір Лабковіч і прадстаўнікі грамадскасьці Алеся Выдрук (Незалежнае таварыства прававых дасьледваньняў) і Гары Паганяйла (Беларускі Хельсінcкі Камітэт)