Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай радыёстанцыі “Беларускае Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Асоба. Дзяржава. Грамадства” ды “Навіны палітвязняў”.
Анонс выпуску:
“Хроніка пераследу”: адміністратыўны пераслед журналістаў, абмежаванні ў дачыненні да незалежных выданняў ды іншыя навіны з Беларусі і замежжа.
“Асоба. Дзяржава. Грамадства”: валанцёр ініцыятывы “Ежа замест бомбаў” Аляксандр Курэц - пра ідэю ініцыятывы, дзейнасць яе актывістаў і прычыны перадузятага стаўлення да іх праваахоўных органаў.
“Навіны палітвязняў”: звесткі ад палітыка Міколы Статкевіча і актывіста Мікалая Дзядка, што даходзяць у лістах з магілёўскай турмы №4.
У музычных паўзах - гурт Amaroka, які стаў галоўным ньюс-мэйкерам мінулага тыдня: ідэолагі з Мінгарвыканкаму дакументальна пацвердзілі наяўнасць забароны шэрагу рок-гуртоў.
Cлухаць выпуск:
