Брэст: адмова прадстаўніку БСДП (Грамада) у рэгістрацыі кандыдатам у дэпутаты гарадскога савета прызнаная неабгрунтаванай

Гарадская выбарчая камісія аргументавала сваё рашэнне адмовіць у рэгістрацыі Генадзю Ігумнаву тым, што ён не пазначыў у свай дэкларацыі зямельны ўчастак на лецішчы. Сам Ігумнаў сцвярджае, што гэты ўчастак ім прададзены яшчэ некалькі гадоў таму.

У выніку ў Брэсцкую абласную выбарчую камісію была пададзена скарга на дзеянні гарадскога выбаркама, якая цалкам задаволена. Такім чынам, сябра БСДП (Г) і актывіст грамадзянскай кампаніі “Гавары праўду!” Генадзь Ігумнаў атрымае пасведчанне кандыдата ў дэпутаты і яму дадзена магчымасць выступіць на дзяржаўным радыё са сваёй перадвыбарчай праграмай.
Увогуле ў якасці кандыдатаў у дэпутаты мясцовага ўзроўню у Брэсце зарэгістраваны 27 прадстаўнікоў Беларускай сацыял-дэмакратычнай партыі (Грамада) і кампаніі “Гавары праўду!”, якія ладзяць перадвыбарчую кампанію пад адзіным лозунгам “За наш Брэст!”

“Праваабаронцы за свабодныя выбары”