Калона ў атачэньні супрацоўнікаў спецпадразьдзяленьняў павярнула на Сурганава

Супрацоўнікі міліцыі праз гукаўзмацняльную тэхніку заклікаюць удзельнікаў акцыі прайсьці па вуліцы Сурганава да чарнобыльскай каплічкі. Аднак калона спынілася на Сурганава і рух яе запаволіўся. Міліцыя папярэджвае, каб людзі рухаліся па першай паласе праезжай часткі вуліцы. У калоне сьцягі анархістаў, Еўрасаюзу , сьцягі Беларускай хрысьціянскай дэмакратыі, большасьць — бел-чырвона-белых. Шмат моладзі ў жоўтых накідках з рэсьпіратарамі і надпісамі “Чарнобыльскі шлях”.

Праз мегафон прагучала папярэджаньне, што за парушэньне парадку, будуць прымененыя спэцсродкі.