За дзесяць хвілінаў да “Чарнобыльскага шляху”

Сталічная міліцыя будзе забяспечваць правапарадак пад час правядзеньня акцыі “Чарнобыльскі шлях”. Як паведамілі Белапан у сталічным упраўленьні ўнутраных спраў, пераводу на ўмоцнены варыянт нясеньня службы ня будзе. У той жа час у дварах дамоў вакол плошчы Коласа знаходзяцца аўтобусы з супрацоўнікамі спецпадраздзяленьняў, плошча перакрыта ланцугамі мілінцыянтаў.

Перад пачаткам шэсьця каля Акадэміі навук сабралася каля 200 чалавек, людзі падыходзяць па адным і невялікімі купкамі.. Заўважаецца моладзь у спецыяльных майках з надпісам “Чарнобыльскі шлях”.

Усе крамы ад плошчы Якуба Коласа да Акадэміі навук зачыніліся яшчэ ў 16 гадзін