Перашкоды для удзельнікаў “Чарнобыльскага шляху” пачаліся ў 17 гадзін

Задоўга да пачатку “Чарнобыльскага шляху” міліцыя перакрыла падыходы да плошчы Якуба Коласа. Людзі зьбіраюцца купкамі каля ЦУМу і філармоніі. Цягнікі метро праязжаюць плошчу без прыпынку яшчэ з 17 гадзінаў, гэтак жа як і соты аўтобус гарадскога маршруту. Мінчукоў настойліва выціскаюць у бок Акадэміі навук. Найбольшая колькасьць удзельнікаў шэсьця пакуль канцэнтруецца каля ЦУМу, частка зьбіраецца каля кінатэатра “Кастрычнік”. Ля тэрыторыі Акадэміі навук амапаўцы і людзі ў цывільным таксама пачаль выстройвацца ў ачапленьне.

Нагадаем, што шэсьце пачнецца а 18-й гадзіне ад Акадэміі Навук і завершыцца ля чарнобыльскай капліцы на вуліцы Карастаянавай. Некалькі арганізатараў будуць знаходзіцца на плошчы Якуба Коласа, каб там сустракаць людзей і накіроўваць іх да Акадэміі Навук, на дазволенае месца збору.