Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры
незалежнай радыёстанцыі “Беларускае Радыё Рацыя” - праграма “Людзьмі звацца!”,
якая асвятляе падзеі, датычныя правоў чалавека ў Беларусі. Праграма складаецца
з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
Анонс выпуску:
“Хроніка пераследу”: хто з беларускіх палітвязняў намінаваны на прэстыжную прэмію імя Андрэя Сахарава, за што на працоўным месцы быў затрыманы намеснік старшыні суда ў Магілёве і чаму жыхары Першамайскага раёна Мінска патрабуюць мясцовага рэферэндуму.
"Падзея тыдня": як афіцыйныя органы шукалі экстрэмізм у літаратуразнаўчай кнізе палітвязня Алеся Бяляцкага “Асьвечаныя Беларушчынай”.
"Асоба. Дзяржава. Грамадства": госць рубрыкі - нядаўні палітвязень Зміцер Дашкевіч з аповядам пра турмы і калоніі, у якіх яму давялося шмат чаго зведаць, а таксама пра свае планы ў грамадска-палітычнай дзейнасці.
У музычных паўзах - кампазіцыі праекта “Арцём Мід”. У інтэрв’ю сайту Ultra-Music ён вызначыў свой дэбютны альбом “Шчасце” як “фантазію на тэму сучаснага беларускага року”.
Слухаць выпуск:
