Акцыя «маладафронтаўцаў” у Жлобіне

Жлобінская філія незарэгістраванай арганізацыі Малады фронт увечары 16 красавіка правяла інфармацыйную акцыю, прысьвечаную Зьмітру Дашкевічу і іншым палітычным вязьням Беларусі.

На цэнтральных вуліцах горада Жлобіна зьявіліся партрэты лідэра арганізацыі Зьмітра Дашкевіча. Як паведамляе прэс-служба Маладога фронту, партрэты былі замацаваныя на прыпынках грамадзкага транспарту, каля цэнтральнага рынку, а таксама мясцовага гісторыка-краязнаўчага музэя й цэнтральнай бібліятэкі.

Трэба таксама дадаць, што ў горадзе працягваецца распаўсюд друкаваных матэрыялаў, прысьвечаных Чарнобыльскаму шляху-2007. Маладафронтаўцы разьлепліваюць у Жлобіне сотні налепак да жалобнай масавай акцыі ў дзень чарнобыльскай трагедыі, паведамляе Радыё Рацыя.