Берасцейцы збіраюць подпісы за будаўніцтва садкоў і школ

На сайце change.org з’явілася петыцыя, у якой ідзе пра будаўніцтва новых мікрараёнаў без належнай інфраструктуры, у сувязі з чым не хапае школ і дзіцячых садкоў.

Заклікае падпісаць петыцыю ў Міністэрства адукацыі і мясцовы аблвыканкам яе аўтар, лідар Берасцейскай абласной арганізацыі сацыял-дэмакратаў “Грамада” Ганна Канюс:

- Мы заклікаем берасцейцаў падпісваць і актыўна ўдзельнічаць у зборы подпісаў за тое, каб дзеці маглі вучыцца ў тых мікрараёнах, у якіх яны жывуць. 

Таксама сацыял-дэмакраты выпусцілі бюлетэнь, які прысвечаны новаму навучальнаму году і беларускай школьнай адукацыі.