Ушанаванне памяці Міхала Валовіча прайшло пад наглядам міліцыі

У вёсцы Парэчча Слонімскага раёна адбылося традыцыйнае штогадовае ўшанаванне памяці аднаго з кіраўнікоў паўстання 1830-1831 гадоў супраць Расійскай імперыі Міхала Валовіча і яго паплечнікаў.

Падчас ушанавання на мемарыяльнай старой пліце, якая была пастаўлена ў 2003 годзе, адкрылі новую мармуровую пліту Міхалу Валовічу і яго сябрам-паўстанцам.

Увесь час за ўдзельнікамі мерапрыемства сачыў белы “Фольксваген” з нумарамі 4421АТ-4. З яго людзі ў цывільным здымалі на камеру ўсё мерапрыемства і яго ўдзельнікаў. Людзі не выходзілі з машыны, але адсочвалі ўсіх ад пачатку да канца. Тым не менш, мерапрыемства адбылося без эксцэсаў. Летась за ўдзельнікамі ўшанавання сачыла машына “Жыгулі” з нумарамі 5536 ІА-4.