Ігар Леднік пакараны адміністрацыйным арыштам на пяць сутак

Учора ў Барысаве ў 17 гадзін пачаўся судовы працэс над праваабаронцам і прадпрымальнікам Ігарам Леднікам. Ён быў затрыманы 24 сакавіка ў цэнтры горада міліцыйскім нарадам быццам бы з-за патасоўкі з нейкім нявызначаным мінаком. Пры апытаньні сьведкаў (трох міліцыянтаў) у судзе стала вядома, што Леднік брыдкасловіў. У той жа час суддзя Святлана Самусева адмовілася далучыць да справы паказаньні 15-гадовага сына Ледніка, які знаходзіўся у той час побач з бацькам.

Як стала вядома ПЦ “Вясна”, прысуд Ігару Ледніку абвешчаны сёньня – 5 сутак арышту.