Жыхарам Гомеля нагадалі пра зніклага Юрыя Захаранку

Актывісты «Zмена» 7 мая правялі ў Гомелі акцыю памяці зніклага Юрыя Захаранкі – распаўсюдзілі інфармацыйныя матэрыялы з партрэтам былога міністра ўнутраных спраў.

«Мы нагадалі людзям аб тым, што чэсныя і мужныя людзі заўсёды будуць патрэбны нашаму грамадству, і пра такіх людзей мы будзем памятаць. Менавіта ў гэты дзень 14 гадоў таму знік наш зямляк, які, займаючы высокую пасаду, не мог быць у адной звязцы з тымі людзьмі, якія ўзурпіравалі ўладу. І як чалавек з гонарам і годнасцю, вырашыў дзейнічаць насуперак злачыннай уладзе», - патлумачылі актывісты, якія пажадалі застацца неназванымі.